Velkommen til ny museumsmaraton i kvinnehistorie!
Frå vikingtid til oljealder har kvinnerolla endra seg, ofte har sterke karakterar gått føre og bana veg! Vikingkvinner med ansvar for familie og ære, kvinner i hermetikken som brukte eigne posisjonar for å betra kåra for alle arbeidarkvinner, og i moderne tid kor kvinner gjekk frå aktive roller på land til sjølve å jobba offshore.
Bli med på museumsmaraton i kvinnehistorie; frå Stavanger maritime museum i Vågen, via Stavanger domkyrkje og sentrum, dyktig losa av formidlarar frå Arkeologisk museum og GuideCompaniet, til me sluttar av på Norsk Oljemuseum på Kjeringholmen. Her får de høyra om sterke vikingkvinner, inspektør Kjeldsberg og fabrikkeigar Andersen, og kvifor Gro Harlem Brundtland fekk tildelt oljeindustrien sin heiderspris.
Arrangementet startar kl.11.00 søndag 8.mars på Stavanger maritime museum.
Turen varar to timar og det er begrensa antal plassar. Kaffi og te til deltakarane blir sett fram frå 10.30.
Arrangementet skjer til fots og delvis utandørs.
Bølgen og Moi gir 20% rabatt på lunsj, me anbefalar å bestilla bord på førehand.
